TAGBILARAN CITY, Dec. 16 (PIA) -- Gimanduan ni Presidente Rodrigo Roa Duterte ang Philippine Health Insurance Corporation (PhilHealth) nga himuong simple ug i-reconfigure ang requirements niini alang sa mga pasyenteng naglihok sa ilang hospital claims.
Sa gipahigayong news briefing sa Malakanyang niadtong Martes, Disyembre 15, miingon si Presidential Spokesperson Harry Roque nga ang maong kamanduan sa Presidente gitumong aron malikayan ang pagkalangay sa paghatag sa reimbursements sa hospital claims sa mga pasyente.
“I plea that this be simplified… All of these things can be compressed,” (Akong hangyo nga himoong sayon lang kini. Mahimo man nga kining proseso, housahon na lang) pagbalik pa ni Roque sa gipahayag ni Duterte sa gipahigayong cabinet meeting.
Matud pa nga gimanduan usab ang PhilHealth nga i-uswag ang deadline alang sa filing sa mga claims.
“Yung ideal is to compress the process more and not bring more hardship to the sick and indigent Filipino patient, and not have to worry about the process,” (Ang angay gyud unta hiusahon na ang proseso ug dili na lisudlisuron ang pobre nga pasyente nga Pinoy aron dili na sila maguol pa sa kalangan sa proseso, matud pa ni Roque.
Giingong gitakdang makigpulong si PhilHealth President ug CEO Dante Gierran sa board of directors sa ahensya aron tukion ang mga mosunod nga lakang agi og pagsunod sa mando ni Presidente Duterte, dugang pa ni Roque. (ecb/PIA7-Bohol)
Source: Philippines Information Agency (pia.gov.ph)
0 Comments