MANILA, Dec. 17 (PIA) -- Nanawagan si Presidente Rodrigo Roa Duterte sa publiko nga dili una magpahigayon og party karong Pasko ug Bag-ong tuig.
Sa iyang public address Miyerkoles sa gabii, gitambagan sa Presidente ang katawhan nga dili magpakampante ug batasanon ang pagsunod sa mga minimum health protocol.
Himuon kini matud pa isip usa ka sakripisyo alang sa kaluwasan sa tanan batok sa coronavirus disease 2019 (COVID-19).
Una nang nanawagan si PRRD niadtong Disyembre 7 og kooperasyon sa publiko karong holiday season aron malikayan ang pagkatap sa COVID-19.
“So, so many parties, almost in your adult and younger years, you had parties every Christmas. Would you be kind enough just to skip the – not really frivolous but the festivities, iwasan na muna ninyo. You avoid it because it is for your own good and for the good of the community and eventually for the good of the county,” matud pa ni Presidente Duterte.
Dungan niini, gi-awhag usab sa Presidente ang publiko nga magpabilin sulod sa balay ug likayan una ang pagpamalit karong nagkaduol na ang Pasko aron malikayan ang pagtakdanay sa COVID-19.
Kalabot usab niini, gipalikay una ni PRRD ang mga kabataan sa pag-adto sa mga maninoy ug maninay tungod kay mahimong matakdan sa COVID-19.
Matud pa sa Presidente nga luoy ang mga maninoy ug maninay nga mogawas pa ug mamalit og mga regalo tungod kay may posibilidad nga matakdan sila sa virus.
Giingong magkalmado una tungod kay daghan pamang Pasko ang moabot.
Gi-awhag ni Presidente Duterte ang publiko nga i-ampo ang nasod ug walay mga sakit samtang wala pa’y bakuna batok sa COVID-19 sa nasod.
Samtang nagpahinumdom usab kini nga padayon nga mosunod sa health ug safety protocols karong panahon sa Pasko ug Bag-ong tuig. (ecb/PIA7-Bohol)
Source: Philippines Information Agency (pia.gov.ph)
0 Comments