ILOILO CITY, Disyembre 28 (PIA) – Natalana nga pagabuksan subong nga adlaw, Disyembre 28, 2020 ang panibag-o nga agri-hub sang Land Bank of the Philippines sa Barotac Viejo, Iloilo.
Magaserbe ang LANDBANK Barotac Viejo Agri-Hub nga extension office sang LANBANK Iloilo Branch kag magapangalagad sa 26 ka mga barangay sa banwa sang Barotac Viejo kag sa mga kalapit sini nga mga munisipyo sang Banate kag San Rafael kag sa nagkalain-lain nga mga ahensya sang gobyerno nga nahamtang sa nasambit nga lugar.
Ini na ang ikaduha nga agri-hub sang LANDBANK sa pungsod kalakip ang 416 nga mga sanga kag extension nga mga talatapan sini.
Ginapaabot nga pagapangunahan ang inugurasyon sang bag-o nga sanga sang LANDBANK nanday Iloilo 5th District Representative Raul C. Tupas, Board Member Nieleto C. Tupas, Barotac Viejo Mayor Nielo C. Tupas, Vice Mayor Parly L. Balleza kag LANDBANK West Visayas Branches Group Head First Vice President Delma O. Bandiola.
Sa dugang nga mga updates, i-Like, Follow, kag Share, ang official LANDBANK Facebook, Instagram kag YouTube accounts nga (@landbankofficial), (@LBP_Official) sa Twitter, ukon magkadto sa Official LANDBANK website nga (www.landbank.com). (LANDBANK/JSC/laf/PIA6 Iloilo)
Source: Philippines Information Agency (pia.gov.ph)
0 Comments