MIDSAYAP, Lalawigan ng Cotabato, Dis. 26 (PIA)-- Binigyang parangal ng Sangguniang Kabataan Municipal Federation (SKMF) ng bayan ng Midsayap ang mga nagawa ng kabataan na nakapag-ambag sa kaunlaran ng munisipalidad ngayong taon.
Ayon kay Mark Ferven Avance, presidente ng SKMF, layon nito na maitampok ang nga proyekto, programa, at aktibidad ng mga youth-serving organization, youth organization, at Sangguniang Kabataan. Dagdag pa dito, layunin ng parangal na mabigyang pagkilala ang best practices ng mga organisasyon at mahikayat ang ibang kabataang lider na manguna sa paggawa ng pagbabago at pagsulong ng kaunalaran.
Kabilang sa mga parangal ang Top 20 Outstanding Sangguniang Kabataan kung saan pasok ang mga SK ng Barangay Agriculture, Barangay Arizona, Barangay Baliki, Barangay Poblacion 5, Barangay Poblacion 6, Barangay Poblacion 7, Barangay Poblacion 8, Barangay Central Bulanan, Barangay Upper Bulanan, Barangay Palongoguen, Barangay Kimagango, Barangay Lagumbingan, Barangay Malamote, Barangay Kiwanan, Barangay Patindeguen, Barangay Sadaan, Barangay Rangaban, Barangay Salunayan, Barangay Tumbras, at Barangay Upper Glad 1.
Pinarangalan naman bilang Outstanding Youth Organization sa school-based category ang Notre Dame of Midsayap College-Supreme Student Government at Southern Christian College-College Supreme Government. Sa ilalim naman ng community-based category, iginawad sa Higala ang Outstanding Youth Organization.
Sa kabilang banda, pasok naman bilang Outstanding Youth-serving Organization ang Agriculture Youth Ministry habang ibinigay naman kay Leigh Xydel Tizon ang Inspirasyon ng Kabataan award. Samantala, binigyan ng Sports Excellence Reward Program ang Notre Dame of Midsayap College, Southern Christian College, I-Link College of Science and Technology, Midsayap Central District (High School), Midsayap North District (High School), Midsayap South District (High School), Midsayap Central District (Elementary), Midsayap North District (Elementary), Midsayap South District (Elementary), Midsayap West District (Elementary), at Midsayap South-west District (Elementary).
Ang ikalawang Gawad Pag-asa ng Bayan 2020 ay isinagawa sa pakikipagtulungan ng Midsayap Youth Development Council at ng Department of the Interior and Local Government. (PIA Cotabato Province)
Source: Philippines Information Agency (pia.gov.ph)
0 Comments