MISAMIS ORIENTAL, Marso 3-- ARON mawala ang pagduha-duha sa katawhan ug hugot ang pagsalig sa gitakdang pagdangat sa mga Covid-19 Vaccine andam nga pangunahan ni Governor Bambi Emano ang pagpabakuna.
Mokabat 600,000 nga Covid-19 vaccine nga mao ang Sinovac ang nahidangat sa nasod sa Pilipinas niadtong adlawng Dominggo nga gidonar gikan sa nasod sa China.
Sa pag-abot niini dili mawala ang wala ug too nga mga pangutana kung unsa kini ka epektibo hinungdan atol sa ika 46th virtual flagraising sa Kapitolyo Probinsyal gipaabot ni Governor Bambi nga kung modangat ang Sinovac sa pulo sa Mindanao ug lakip ang lalawigan sa mahatagan andam siya nga magpatupok niini.
Matud ni Governor Bambi nga kini na ang gipaabot sa tanan nga masulbad ang problema nga giatubang hatod sa pandemya.
Dugang sa Gobernador nga sigurado siya nga ang mga eksperto nga naghimo sa bakuna dili tumong aron mohatag og peligro sa katawhan apan proteksyon aron dili mataptan sa virus.
Nahisgutan sab ni Provincial-IATF Chief Dr. Jerrie Calingasan, nga posibleng muabot ang bakuna sa mga musunod nga semana ug laumang usa ang Sinovac ang mahidangat sa Mindanao mosunod dayon niini ang AstraZeneca vaccine.
Bout lamang ni Governor Bambi nga mamahimong ehemplo sa tanan aron makahatag kadasig sa katawhan nga ang bakuna maoy usa sa sulosyon aron mobalik sa normal ang tanan. (PIO MisOr)
Source: Philippines Information Agency (pia.gov.ph)
0 Comments