MISAMIS ORIENTAL, March 3--Padayon sa pagpahigayon og awareness campaign ang buhatan sa Provincial Veterinary Office (PVET) batok sa makapatay nga sakit nga makuha pinaagi sa paak sa iro nga Rabies.
Adlawng Martes ug Miyerkules, Pebrero 23 ug 24, 2021, gipahigayon sa buhatan sa PVET pinaagi ni Provincial Veterinarian II, Dr. Russel Roa ang awareness campaign sa Barangay Solana, Bobuntugan, ug Upper Jasaan sa lungsod sa Jasaan, Misamis Oriental.
Ang kampanya pagbatok niini nahisubay sa pag-implementar sa R.A. 9482 or Anti-Rabies Act of 2007 kon diin ang polisiya niini mag-promotar sa pag-protektar sa katawhan nga malikay sa makapatay nga sakit.
Ang Anti-Rabies Act of 2007 nahimong balaod aron pag-awhag sa mga pet-owners ug sa komunidad sa pagtukod og sistema sa pagkontrolar, pagkaylap ug pagwagtang sa human and animal rabies sa tuig 2011.
Dako og gikatabang ang gihimo sa PVET nga awareness campaign sa pakigbatok sa rabies aron maedukar ug magpabiling luwas ang katawhan sa lalawigan sa ilang tagsa-tagsa ka puloy-anan samtang adunay binuhi nga ilang giamumahan. (PIO MisOr)
Source: Philippines Information Agency (pia.gov.ph)
0 Comments